(ก) อนุโลมปุคฺคโล

[264] (ก) ยสฺส กามราคานุสโย ปหีโน ตสฺส ปฏิฆานุสโย ปหีโนติ? อามนฺตาฯ

(ข) ยสฺส วา ปน ปฏิฆานุสโย ปหีโน ตสฺส กามราคานุสโย ปหีโนติ? อามนฺตาฯ

(ก) ยสฺส กามราคานุสโย ปหีโน ตสฺส มานานุสโย ปหีโนติ?

อนาคามิสฺส กามราคานุสโย ปหีโน, โน จ ตสฺส มานานุสโย ปหีโนฯ อรหโต กามราคานุสโย จ ปหีโน มานานุสโย จ ปหีโนฯ

(ข) ยสฺส วา ปน มานานุสโย ปหีโน ตสฺส กามราคานุสโย ปหีโนติ? อามนฺตาฯ

ยสฺส กามราคานุสโย ปหีโน ตสฺส ทิฏฺฐานุสโย…เป.… วิจิกิจฺฉานุสโย ปหีโนติ? อามนฺตาฯ

ยสฺส วา ปน วิจิกิจฺฉานุสโย ปหีโน ตสฺส กามราคานุสโย ปหีโนติ?

ทฺวินฺนํ ปุคฺคลานํ วิจิกิจฺฉานุสโย ปหีโน, โน จ เตสํ กามราคานุสโย ปหีโนฯ ทฺวินฺนํ ปุคฺคลานํ วิจิกิจฺฉานุสโย จ ปหีโน กามราคานุสโย จ ปหีโนฯ

ยสฺส กามราคานุสโย ปหีโน ตสฺส ภวราคานุสโย…เป.… อวิชฺชานุสโย ปหีโนติ?

อนาคามิสฺส กามราคานุสโย ปหีโน, โน จ ตสฺส อวิชฺชานุสโย ปหีโนฯ อรหโต กามราคานุสโย จ ปหีโน อวิชฺชานุสโย จ ปหีโนฯ

ยสฺส วา ปน อวิชฺชานุสโย ปหีโน ตสฺส กามราคานุสโย ปหีโนติ? อามนฺตาฯ

[265] (ก) ยสฺส ปฏิฆานุสโย ปหีโน ตสฺส มานานุสโย ปหีโนติ?

อนาคามิสฺส ปฏิฆานุสโย ปหีโน, โน จ ตสฺส มานานุสโย ปหีโนฯ อรหโต ปฏิฆานุสโย จ ปหีโน มานานุสโย จ ปหีโนฯ

(ข) ยสฺส วา ปน มานานุสโย ปหีโน ตสฺส ปฏิฆานุสโย ปหีโนติ? อามนฺตาฯ

ยสฺส ปฏิฆานุสโย ปหีโน ตสฺส ทิฏฺฐานุสโย…เป.… วิจิกิจฺฉานุสโย ปหีโนติ? อามนฺตาฯ

ยสฺส วา ปน วิจิกิจฺฉานุสโย ปหีโน ตสฺส ปฏิฆานุสโย ปหีโนติ?

ทฺวินฺนํ ปุคฺคลานํ วิจิกิจฺฉานุสโย ปหีโน, โน จ เตสํ ปฏิฆานุสโย ปหีโนฯ ทฺวินฺนํ ปุคฺคลานํ วิจิกิจฺฉานุสโย จ ปหีโน ปฏิฆานุสโย จ ปหีโนฯ

ยสฺส ปฏิฆานุสโย ปหีโน ตสฺส ภวราคานุสโย…เป.… อวิชฺชานุสโย ปหีโนติ?

อนาคามิสฺส ปฏิฆานุสโย ปหีโน, โน จ ตสฺส อวิชฺชานุสโย ปหีโนฯ อรหโต ปฏิฆานุสโย จ ปหีโน อวิชฺชานุสโย จ ปหีโนฯ

ยสฺส วา ปน อวิชฺชานุสโย ปหีโน ตสฺส ปฏิฆานุสโย ปหีโนติ? อามนฺตาฯ

[266] ยสฺส มานานุสโย ปหีโน ตสฺส ทิฏฺฐานุสโย…เป.… วิจิกิจฺฉานุสโย ปหีโนติ? อามนฺตาฯ

ยสฺส วา ปน วิจิกิจฺฉานุสโย ปหีโน ตสฺส มานานุสโย ปหีโนติ?

ติณฺณํ ปุคฺคลานํ วิจิกิจฺฉานุสโย ปหีโน, โน จ เตสํ มานานุสโย ปหีโนฯ อรหโต วิจิกิจฺฉานุสโย จ ปหีโน มานานุสโย จ ปหีโนฯ

ยสฺส มานานุสโย ปหีโน ตสฺส ภวราคานุสโย…เป.… อวิชฺชานุสโย ปหีโนติ? อามนฺตาฯ

ยสฺส วา ปน อวิชฺชานุสโย ปหีโน ตสฺส มานานุสโย ปหีโนติ? อามนฺตาฯ

[267] (ก) ยสฺส ทิฏฺฐานุสโย ปหีโน ตสฺส วิจิกิจฺฉานุสโย ปหีโนติ? อามนฺตาฯ

(ข) ยสฺส วา ปน วิจิกิจฺฉานุสโย ปหีโน ตสฺส ทิฏฺฐานุสโย ปหีโนติ? อามนฺตา …เป.…ฯ

[268] ยสฺส วิจิกิจฺฉานุสโย ปหีโน ตสฺส ภวราคานุสโย…เป.… อวิชฺชานุสโย ปหีโนติ?

ติณฺณํ ปุคฺคลานํ วิจิกิจฺฉานุสโย ปหีโน, โน จ เตสํ อวิชฺชานุสโย ปหีโนฯ อรหโต วิจิกิจฺฉานุสโย จ ปหีโน อวิชฺชานุสโย จ ปหีโนฯ

ยสฺส วา ปน อวิชฺชานุสโย ปหีโน ตสฺส วิจิกิจฺฉานุสโย ปหีโนติ? อามนฺตาฯ

[269] (ก) ยสฺส ภวราคานุสโย ปหีโน ตสฺส อวิชฺชานุสโย ปหีโนติ? อามนฺตาฯ

(ข) ยสฺส วา ปน อวิชฺชานุสโย ปหีโน ตสฺส ภวราคานุสโย ปหีโนติ? อามนฺตาฯ (เอกมูลกํ)

[270] (ก) ยสฺส กามราคานุสโย จ ปฏิฆานุสโย จ ปหีนา [ปหีโน (สี. ก.) อนุสยวาเรน ปน น สเมติ] ตสฺส มานานุสโย ปหีโนติ?

อนาคามิสฺส กามราคานุสโย จ ปฏิฆานุสโย จ ปหีนา, โน จ ตสฺส มานานุสโย ปหีโนฯ อรหโต กามราคานุสโย จ ปฏิฆานุสโย จ ปหีนา มานานุสโย จ ปหีโนฯ

(ข) ยสฺส วา ปน มานานุสโย ปหีโน ตสฺส กามราคานุสโย จ ปฏิฆานุสโย จ ปหีนาติ? อามนฺตาฯ

ยสฺส กามราคานุสโย จ ปฏิฆานุสโย จ ปหีนา ตสฺส ทิฏฺฐานุสโย…เป.… วิจิกิจฺฉานุสโย ปหีโนติ? อามนฺตาฯ

ยสฺส วา ปน วิจิกิจฺฉานุสโย ปหีโน ตสฺส กามราคานุสโย จ ปฏิฆานุสโย จ ปหีนาติ?

ทฺวินฺนํ ปุคฺคลานํ วิจิกิจฺฉานุสโย ปหีโน, โน จ เตสํ กามราคานุสโย จ ปฏิฆานุสโย จ ปหีนาฯ ทฺวินฺนํ ปุคฺคลานํ วิจิกิจฺฉานุสโย จ ปหีโน กามราคานุสโย จ ปฏิฆานุสโย จ ปหีนาฯ

ยสฺส กามราคานุสโย จ ปฏิฆานุสโย จ ปหีนา ตสฺส ภวราคานุสโย…เป.… อวิชฺชานุสโย ปหีโนติ?

อนาคามิสฺส กามราคานุสโย จ ปฏิฆานุสโย จ ปหีนา, โน จ ตสฺส อวิชฺชานุสโย ปหีโนฯ อรหโต กามราคานุสโย จ ปฏิฆานุสโย จ ปหีนา อวิชฺชานุสโย จ ปหีโนฯ

ยสฺส วา ปน อวิชฺชานุสโย ปหีโน ตสฺส กามราคานุสโย จ ปฏิฆานุสโย จ ปหีนาติ? อามนฺตาฯ (ทุกมูลกํ)

[271] ยสฺส กามราคานุสโย จ ปฏิฆานุสโย จ มานานุสโย จ ปหีนา ตสฺส ทิฏฺฐานุสโย…เป.… วิจิกิจฺฉานุสโย ปหีโนติ? อามนฺตาฯ

ยสฺส วา ปน วิจิกิจฺฉานุสโย ปหีโน ตสฺส กามราคานุสโย จ ปฏิฆานุสโย จ มานานุสโย จ ปหีนาติ?

ทฺวินฺนํ ปุคฺคลานํ วิจิกิจฺฉานุสโย ปหีโน, โน จ เตสํ กามราคานุสโย จ ปฏิฆานุสโย จ มานานุสโย จ ปหีนาฯ อนาคามิสฺส วิจิกิจฺฉานุสโย จ กามราคานุสโย จ ปฏิฆานุสโย จ ปหีนา, โน จ ตสฺส มานานุสโย ปหีโนฯ อรหโต วิจิกิจฺฉานุสโย จ ปหีโน กามราคานุสโย จ ปฏิฆานุสโย จ มานานุสโย จ ปหีนาฯ

ยสฺส กามราคานุสโย จ ปฏิฆานุสโย จ มานานุสโย จ ปหีนา ตสฺส ภวราคานุสโย…เป.… อวิชฺชานุสโย ปหีโนติ? อามนฺตาฯ

ยสฺส วา ปน อวิชฺชานุสโย ปหีโน ตสฺส กามราคานุสโย จ ปฏิฆานุสโย จ มานานุสโย จ ปหีนาติ? อามนฺตาฯ (ติกมูลกํ)

[272] (ก) ยสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ ปหีนา ตสฺส วิจิกิจฺฉานุสโย ปหีโนติ? อามนฺตาฯ

(ข) ยสฺส วา ปน วิจิกิจฺฉานุสโย ปหีโน ตสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ ปหีนาติ?

ทฺวินฺนํ ปุคฺคลานํ วิจิกิจฺฉานุสโย จ ทิฏฺฐานุสโย จ ปหีนา, โน จ เตสํ กามราคานุสโย จ ปฏิฆานุสโย จ มานานุสโย จ ปหีนาฯ อนาคามิสฺส วิจิกิจฺฉานุสโย จ กามราคานุสโย จ ปฏิฆานุสโย จ ทิฏฺฐานุสโย จ ปหีนา, โน จ ตสฺส มานานุสโย ปหีโนฯ อรหโต วิจิกิจฺฉานุสโย จ ปหีโน กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ ปหีนา …เป.…ฯ (จตุกฺกมูลกํ)

[273] ยสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ปหีนา ตสฺส ภวราคานุสโย…เป.… อวิชฺชานุสโย ปหีโนติ? อามนฺตาฯ

ยสฺส วา ปน อวิชฺชานุสโย ปหีโน ตสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ปหีนาติ? อามนฺตาฯ (ปญฺจกมูลกํ)

[274] (ก) ยสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ ปหีนา ตสฺส อวิชฺชานุสโย ปหีโนติ? อามนฺตาฯ

(ข) ยสฺส วา ปน อวิชฺชานุสโย ปหีโน ตสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ ปหีนาติ? อามนฺตาฯ (ฉกฺกมูลกํ)

(ข) อนุโลมโอกาโส

[275] (ก) ยตฺถ กามราคานุสโย ปหีโน ตตฺถ ปฏิฆานุสโย ปหีโนติ?

น วตฺตพฺโพ ‘‘ปหีโน’’ติ วา ‘‘อปฺปหีโน’’ติ วาฯ

(ข) ยตฺถ วา ปน ปฏิฆานุสโย ปหีโน ตตฺถ กามราคานุสโย ปหีโนติ?

น วตฺตพฺโพ ‘‘ปหีโน’’ติ วา ‘‘อปฺปหีโน’’ติ วาฯ

(ก) ยตฺถ กามราคานุสโย ปหีโน ตตฺถ มานานุสโย ปหีโนติ? อามนฺตาฯ

(ข) ยตฺถ วา ปน มานานุสโย ปหีโน ตตฺถ กามราคานุสโย ปหีโนติ?

รูปธาตุยา อรูปธาตุยา เอตฺถ มานานุสโย ปหีโน; กามราคานุสโย น วตฺตพฺโพ ‘‘ปหีโน’’ติ วา ‘‘อปฺปหีโน’’ติ วาฯ กามธาตุยา ทฺวีสุ เวทนาสุ เอตฺถ มานานุสโย จ ปหีโน กามราคานุสโย จ ปหีโนฯ

ยตฺถ กามราคานุสโย ปหีโน ตตฺถ ทิฏฺฐานุสโย…เป.… วิจิกิจฺฉานุสโย ปหีโนติ? อามนฺตาฯ

ยตฺถ วา ปน วิจิกิจฺฉานุสโย ปหีโน ตตฺถ กามราคานุสโย ปหีโนติ?

ทุกฺขาย เวทนาย รูปธาตุยา อรูปธาตุยา เอตฺถ วิจิกิจฺฉานุสโย ปหีโน; กามราคานุสโย น วตฺตพฺโพ ‘‘ปหีโน’’ติ วา ‘‘อปฺปหีโน’’ติ วาฯ กามธาตุยา ทฺวีสุ เวทนาสุ เอตฺถ วิจิกิจฺฉานุสโย จ ปหีโน กามราคานุสโย จ ปหีโนฯ

(ก) ยตฺถ กามราคานุสโย ปหีโน ตตฺถ ภวราคานุสโย ปหีโนติ?

น วตฺตพฺโพ ‘‘ปหีโน’’ติ วา ‘‘อปฺปหีโน’’ติ วาฯ

(ข) ยตฺถ วา ปน ภวราคานุสโย ปหีโน ตตฺถ กามราคานุสโย ปหีโนติ?

น วตฺตพฺโพ ‘‘ปหีโน’’ติ วา ‘‘อปฺปหีโน’’ติ วาฯ

(ก) ยตฺถ กามราคานุสโย ปหีโน ตตฺถ อวิชฺชานุสโย ปหีโนติ? อามนฺตาฯ

(ข) ยตฺถ วา ปน อวิชฺชานุสโย ปหีโน ตตฺถ กามราคานุสโย ปหีโนติ?

ทุกฺขาย เวทนาย รูปธาตุยา อรูปธาตุยา เอตฺถ อวิชฺชานุสโย ปหีโน; กามราคานุสโย น วตฺตพฺโพ ‘‘ปหีโน’’ติ วา ‘‘อปฺปหีโน’’ติ วาฯ กามธาตุยา ทฺวีสุ เวทนาสุ เอตฺถ อวิชฺชานุสโย จ ปหีโน กามราคานุสโย จ ปหีโนฯ